Белгородта булган атышуда 22 яшьлек студент-айтишник Михаил Иванкив һәм 37 яшьлек механик Андрей Лаптев та һәлак була. Икесе дә атыш вакытында шәһәр үзәгендә булалар: Михаил Яңа елга бүләкләр алырга килә, ә Андрей эштән өенә кайта торган була, аны 1 сәгатькә чакыртканнар. Михаил җитди зыян күрә һәм соңрак реанимациядә үлә, ә Андрей автомобиль руле артында һәлак була.
«SHOT» корреспондентларына һәлак булган механик Андрейның хатынының әтисе сөйләгәнчә, хатыны һәм кечкенә уллары әтиләрен өйдә көткәннәр, ул эштән кайтырга тиеш була, аны 1 сәгатькә чакыртканнар. Гаилә чыршы алырга барырга җыена торган булган. Атышлар башлангач, Андрей элемтәгә чыгудан туктый. Аның хатыны хастаханәләргә шалтырата башлаган, ләкин ул беркайда да булмаган. Иренең үлеме турында социаль челтәрләрдән белә – ире утырган машинаның януын күрә. Хәзер машина махсус стоянкада. Андрейны 2 гыйнварда күмәчәкләр.
Икенче һәлак булучы, студент-айтишник Михаил, шулай ук өенә кайтып бара торган була – бүләкләр сатып ала һәм тукталышта басып тора. «SHOT» корреспондентларына Михаилның әтисе сөйләгәнчә, ул атыш башлануга ук улына шалтырата башлый, нәтиҗәдә, берничә сәгатьтән соң трубканы табиблар ала, алар Михаилның реанимациядә булуын хәбәр итәләр. Зыян күрүчегә бик озак операция ясыйлар, ләкин аның гомерен саклап кала алмыйлар. Михаилның әтисе сөйләгәнчә, аларның гаиләсе Псковтан Белгород шәһәренә 10 ел элек күченгән, йорт төзегәннәр, эшләгәннәр, балалар үстергәннәр.
14 февральдә Михаилга 23 яшь тулган булыр иде. Аның йөргән кызы әлегә кадәр бу хәлгә ышанмый, быел алар өйләнешергә җыенган булалар.