Күмертау ҡалаһының М.Ғ.Рәхимов исемендәге 3-сө гимназияһы бинаһына танылған йырсы, Рәсәй шоу-бизнесы тарихында яҡты эҙҙәр ҡалдырған Юрий Шатунов иҫтәлегенә мемориаль таҡта ҡуйылды. Билдәле булыуынса, Юрий Шатунов Көйөргәҙе районының Савельевка ауылында тыуған, 1982-1984 йылдарҙа, ул саҡта Ю.А. Гагарин исемендәге 2-се интернат-мәктәптә уҡыған. Күмертау ҡала хакимиәте сәнғәт һөйөүселәрҙең башланғысын хуплап, йырсының исемен мәңгеләштереү теләген тормошҡа ашырған. Мемориаль таҡтаны асыу сараһында гимназия уҡыусылары, педагогтар, танылған йырсының ижадына ғашиҡ яҡташтары ҡатнашты. Күптәр тантанаға тамашасылар күңелендә матур тойғолар, һоҡланыу хистәре ҡалдырған, ”Ласковый май” төркөмөнөң бренды булған аҡ рауза гөлләмәләрен тотоп килгәйне. Юрий Шатуновтың 50 йәшлек юбилейына арналған сараның уның тыуған төйәгендә үткәрелеүе яҡташтары күңелендә онотолмаҫ хәтирәләр, ғорурлыҡ тойғолары уятты, тип яҙа “Көйөргәҙе” гәзите. Фото: https://kyurgaza.ru/news/kultura/2023-09-24/v-den-yub