Тиҙҙән башҡорт һәм татар эстрадаһының сағыу йондоҙҙары Гүзәл Уразова менән Илдар Хәкимовтың концерт миҙгелдәре башлана. Яңы миҙгелгә йырсылар бик хәтәр әҙерләнеүе хаҡында хәбәр итә. "Инде өс ай тирәһе 24/7 режимында йәшәйбеҙ. Был миҙгелдә концерт төркөмөн ике тапҡырға арттырҙыҡ. Рәсәй ҡалалары буйлап 25 кеше өс ҙур машинала йөрөйәсәкбеҙ. Сәхнәне ҡороуға ғына һигеҙ сәғәт ваҡыт кәрәк буласаҡ. Дүрт ательела 130-ҙан ашыу сәхнә костюмы тектерҙек. Рәсәйҙә беренселәрҙән булып яңы төрлө видеоэкрандар, яҡтыртҡыс приборҙар, проекция йыһаздары алып ҡайттыҡ. Егеттәр: "Беҙгә үҙебеҙ менән 100 квт электростанция ғына йөрөтөргә ҡалды инде", - тип көлә. Һеҙ ишетмәгән яңы йырҙар, элекке, һеҙ белгән йырҙар яңы форматта, өҙөкһөҙ тематик блоктар менән үрелеп барасаҡ. Беҙ был концерт миҙгелендә "перезагрузка" эшләйбеҙ. Милли сәнғәтебеҙ, эстрадабыҙ бер урында торорға тейеш түгел. Йәшен тиҙлегендәй үҙгәреүсән донъяла беҙ унан да етеҙерәк булырға тейеш", - тигән йырсы. Йырсыларҙың хәтәр шәп концерттарын Башҡортостанда ла көтөп ҡалабыҙ! Фото һәм текст сығанағы: "Интертат".