Башҡортостан Республикаһының Шишмә үҙәк дауаханаһы яңы Lada Niva Travel автомобилле булды. Техника “Һаулыҡ һаҡлау” милли проекты сиктәрендә алынды, тип хәбәр итә Шишмә районы хакимиәте. “Автомобилде алыҫ ерҙә урынлашҡан ауылдарға ебәрәбеҙ. Тап ошондай машина биргәндәренә сикһеҙ шатбыҙ, сөнки ул насар юлдар өсөн иҫәпләнгән. Нива пациенттарға терапевтарҙы һәм профилле белгестәрҙе алып бара. Әгәр ҙә үҙәк дауаханаға килергә кәрәк булһа, табип пациентты үҙе менән ала”, – тине Шишмә дауаханаһы терапия бүлеге мөдире Венера Латыпова. Автомобиль һаулыҡ мөмкинлектәре сикле пациенттар һәм күсмә медицина ярҙамы өсөн тәғәйенләнгән. Әйтеп үтергә кәрәк: Башҡортостан дауаханалары ошондай моделдәге 56 автомобиль асҡысын ҡулына алған. “Рәсәй Федерацияһының һаулыҡ һаҡлауҙың беренсел звеноһын яңыртыу” федераль проекты 2022 йылдан “Һаулыҡ һаҡлау” милли проекты буйынса тормошҡа ашырыла. Билдәле булыуынса, "Һаулыҡ һаҡлау" (национальный проект “Здравоохранение”) милли проекты Рәсәй Президенты Владимир Путиндың май указы менән булдырылды. Фото Шишмә районы дауаханаһының социаль селтәрҙәге төркөмөнән алынды