16 августа Иҫке Балтас ауылында “Балтас марафоны” үтте. Сара өсөнсө тапҡыр үткәрелә. Быйылғы ярыш иһә Спорт министрлығының 100 йыллығына һәм райондың 93 йыллығына арналды. Марафонға Махсус тәғәйенләнештәге подразделениелар ветерандарының хәүефһеҙлеген тәьмин итеү һәм реабилитациялау программалары үҙәге етәксеһе – Валерий Сабанов нигеҙ һалған. Хәҙер иһә сара район эсендә генә түгел, ә район-ара кимәлендә үтә. Ойоштороусылар әйтеүенсә, артабан ярыштар республика кимәленә лә сығасаҡ. Марафонда ҡатнашыусыларҙы Башҡортостан Республикаһының Дәүләт Йыйылышы – Ҡоролтай депутаты Әлфис Ғаязов та сәләмләне. Еңеүселәр Почет грамоталары һәм миҙалдар менән бүләкләнде. Фото: baltachtan.ru