Башҡортостанда Салауат Юлаев исемендәге икенсе батальон ойошторола. Ошо хаҡта батальонды төҙөү инициаторы, Эске эштәр министрлығының отставкалағы полковнигы Артур Йомағужин белдерҙе. Батальондың йәмәғәт штабына Салауат Юлаев исемендәге батальон сафына инергә теләгән ир-егеттәр гел шылтырата, тип хәбәр итә ул. Салауат Юлаев исемендәге икенсе батальон сафына инергә теләгән ирекмәндәр подразделение штабына түбәндәге адрес буйынса килә ала: Өфө ҡалаһы, Дан бульвары, 6 (ДОСААФ бинаһы). Кандидаттар 55 йәшкәсә һәм яҡшы физик формала булырға тейеш. Һорауҙарҙы 7 (987) 023-76-00 телефоны аша бирергә мөмкин. Хәтерегеҙгә төшөрәбеҙ, Салауат Юлаев исемендәге беренсе батальон 2022 йылда хәрби подразделениелар ветерандары инициативаһы менән ойошторолғайны. Хәрби подразделение уҙған йылдың ноябрендә хәрби әҙерлек үтте һәм декабрҙә махсус хәрби операция биләмәһенә йүнәлде. Сығанаҡ: "Башинформ" мәғлүмәт агентлығы, Эдуард Ҡусҡарбәков. Фото: видеонан скриншот.