Йәштәр бизнес-акселераторы йыл аҙағында IQ-парктың икенсе ҡатында асыла. Уны ойоштороу инициаторы булып Өфө дәүләт нефть техник университеты сығыш яһай. Был инновацион вуз-ара арауыҡ республика территорияһында проект эшмәкәрлегенә, технологик стартаптарҙы үҫтереүгә һәм тормошҡа ашырыуға йүнәлтелгән әүҙем йәштәр берләшмәһен булдырыу өсөн тәғәйенләнгән. Акселераторҙы эшләтеп ебәреү Башҡортостан вуздары студенттарының технологик башланғыстарын тормошҡа ашырыу өсөн өҫтәмә мөмкинлек аса. Был даими акселерация майҙансығы буласаҡ: идеяларҙы ентекле эшкәртеүҙән алып бизнес-пландар төҙөүгә, финанслауҙы йәлеп итеүгә һәм стартаптарҙы тормошҡа ашырыуға тиклем. Яңы йәштәр киңлегендә эш төрлө формала ойоштороласаҡ: лекциялар, тренингтар, эксперт сессиялары һ.б. Бында йәш инновацион эшҡыуарҙар иҡтисад, маркетинг, финанс өлкәһендә белем аласаҡ, тикшеренеүҙәр үткәрергә өйрәнәсәк һәм бизнес менән идара итеү принциптарын үҙләштерәсәк. Сығанаҡ: pravitelstvorb.ru