Архангел ауылында яңы тегеү цехы асылды. Әлеге ваҡытта етештереү башланды ла: тегеү цехы эшләй, хеҙмәт урындары барлыҡҡа килде, медицина униформаһының тәүге партиялары сығарылды. Цехты асыу мөмкинлеге март башында “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү” милли проекты сиктәрендә үткән “Эшҡыуарлыҡ сәғәте”ндә тикшерелде. Район хакимиәтендә проектты хупланылар, бина һайлауҙа ярҙам күрһәттеләр һәм республиканың Ғаилә, хеҙмәт һәм халыҡты социаль яҡлау министрлығы линияһы буйынса адреслы социаль ярҙам алыуға документтар әҙерләргә ярҙам иттеләр. Проекттың инициаторы Максим Смагин тегеү эшенең бөтә нескәлектәрен өйрәнгән. Шуны ла билдәләп үтергә кәрәк: заманса, сифатлы формалы кейем тегеү һәр ваҡыт ҙур ихтыяж менән файҙалана, тимәк, тауар һатыу баҙарын табыр. “Бизнесты ойоштороу тәжрибәһе бар, – тип һөйләне Максим Смагин. – Өҫтәлдәрҙе үҙебеҙ иретеп йәбештерҙек, туҡыманы бесеү процесын модификациялау өсөн яҡшы заманса тегеү машиналары һәм электр менән бесеү бысағы һатып алдым, махсус кейем тегеү йүнәлешен билдәләнем. Иң ҡыуаныслыһы - тегеүселәрҙе эҙләү тураһында иғланға шунда уҡ ҙур тәжрибәһе булған тегенселәр яуап бирҙе”. Ярҙам саралары тураһында ошонда ҡарағыҙ: https://investrb.ru/ru/business/business_support. Эшҡыуарҙарҙы Архангел районына “Эшҡыуарлыҡ сәғәте”ндә ҡатнашырға саҡыралар. Ғаризаны https//investrb.ru сайтында йәки 8(34774) 2-15-97 телефоны буйынса ҡалдырырға мөмкин. Билдәле булыуынса, “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү” (национальный проект “Малое и среднее предпринимательство и поддержка индивидуальной предпринимательской инициативы”) милли проекты Рәсәй Президенты Владимир Путиндың май указы менән булдырылды. #ВладимирПутин #национальныепроекты#нацпроекты #региональныепроекты#регпроекты#нацпроектыБашкортостан Фото: Архангел районы хакимиәте.