Октябрьский ҡалаһында “Йәшел Башҡортостан” хәрәкәте менән берлектә Нарыштау экоһуҡмағында “Таҙа уйындар” экология фестивале ойошторола. Сара "Экология" милли проекты маҡсаттарына тап килә. “Таҙа уйындар” – өмәнең уйын аналогы – команда ярыштары. Бер командала кешеләр һаны икенән алып дүрткә тиклем. Командала уйынсыларҙың йәше сикләнмәй. Программала: сүп-сарҙы айырым йыйыу буйынса команда ярыштары, эко-викторина һәм конкурстар, приздар, поход кухняһы. Уйында ҡатнашыу өсөн https://cleangames.org/game/rb1.һылтанмаһы буйынса теркәлеү мотлаҡ. Сайтта (мәҫәлән, "Бәйләнештә" аша) авторизациялау талап ителә. Команданы теркәгәндән һуң уға башҡа ҡатнашыусылар ҙа инә ала. Бының өсөн авторизация үтеү һәм үҙ командаңа ҡушылырға кәрәк. Был ҡатнашыусы дипломын алыу өсөн кәрәк. Өҫтәмә балл йыйыу өсөн үҙегеҙ менән күп тапҡыр ҡулланыла торған кружка алырға тәҡдим итәбеҙ! Урманда йөрөү һәм һауа торошона ярашлы кейем кейергә кәрәк. Сәйәси партияларҙың символикаһы, сараларға исемдәр һәм слогандар тыйыла. Корпоратив символика сараны ойоштороусы менән килешеү буйынса рөхсәт ителә. Билдәле булыуынса, "Экология" (национальный проект “Экология”) милли проекты Рәсәй Президенты Владимир Путиндың май указы менән булдырылды. #ВладимирПутин #национальныепроекты#нацпроекты #региональныепроекты#регпроекты#нацпроектыБашкортостан Фото: Октябрьский ҡалаһы хакимиәте.