Наурыз айында әлеуметтік маңызы бар 7 түрлі азық-түліктің бағасы сәл де болсын төмендеді, деп хабарлайды Qazaqstan Media тілшісі.
Еске салсақ, былтыр наурызда картоптың құны – 2,6, сәбіз – 3,9, пияз – 12,2, ал қант 35%-ға қымбаттаған еді. Ал ағымдағы жылы баға аз да болсын төмендеді. Мәселен, картопты бұрынғыдан 0,7, пиязды 0,3, қырыққабатты 0,1%-ға арзанырақ сатып алуға болады. Сондай-ақ, қарақұмықтың құны-1,3%, күнбағыс майы-1,1, қант-0,8%-ға төмендеген. Құс еті болса 0,4% арзандады. Биыл азық-түлік бағасының төмендеуіне тұрақтандыру қорларындағы өнімдердің саудаға шығарылуы септігін тигізген.