Волга буйы федераль округының йәш рәссамдары араһында үткән “ФормАРТ” стрит-арт фестиваленең IV миҙгелендә ҡатнашыуға ғаризалар ҡабул ителә. Быйыл сара Уҡытыусы һәм остаз йылына арнала. Йәш рәссамдарға түбәндәге темаларҙың береһенә граффити төшөрөргә тәҡдим ителә: “Минең уҡытыусым” (беренсе уҡытыусы, кеше тормошонда уҡытыусының роле), “Кешенең шәхси һәм профессиональ үҫешенә йоғонто яһаған остаздың роле”, “Сәнғәттә уҡытыусы һәм остаз образы”, “Белем – көс”, “Киров-650” (Киров ҡалаһының юбилейына арнала) һ.б. Фестивалдә 18 йәштән алып 35 йәшкә тиклем профессиональ һәм һәүәҫкәр рәссамдар ҡатнаша ала. Уларға 30 апрелгә тиклем конкурс эшенең эскизын беркетеп, проекттың сайтында (formartpfo.ru) ғариза тултырырға кәрәк. I, II һәм III урындарҙы яулаусылар ижадын үҫтереү өсөн 100, 150 һәм 200 мең һум күләмендә грант аласаҡ. Гөлдәр ЯҠШЫҒОЛОВА