Qisqichbaqa tayoqchasi va qo'ziqorin solib tayyorlangan ushbu salat mazali, nozik va vitaminlarga boydir. Mexmonjonlarni hayratga soladigan salat. Bekajonlar taqdim etiladigan salat retseptini saqlab qolishni va albatta sinab ko'rishni unutmang. Sababi bu salat sizga va yaqinlaringizga ham juda ma'qul bo'ladi.
Kerakli masalliqlar:
- 400 gramm shampinon
- 200 gramm qisqichbaqa tayoqchasi
- 3 dona tuxum
- 1-2 dona bodring
- 1-2 dona piyoz
- ta'bga ko'ra tuz, ko'kat va mayonez
Tayyorlash usuli:
1. Birinchi navbatda masalliqlarni tayyorlab oling. Piyozni tozalang va mayda to'rg'ang.
2. Shampinonlarni yuving, to'rtburchak shaklda to'rg'ang va piyoz bilan butunlay tayyor bo'lgunga qadar qovuring.
3. Bodringni esa somoncha shaklda to'rg'ang.
4. Shuningdek, qisqichbaqa tayoqchalarini ham somoncha shaklda to'rg'ang.
5. Tuxumni suvda, butunlay tayyor bo'lgunga qadar pishiring. So'ng, tozalang va mayda to'rg'ang.
6. Tayyorlangan masalliqlarni salat idishida birlashtiring, ta'bga ko'ra tuz va mayonez, mayda kesilgan ko'katni soling va aralashtiring. Salat tayyor!
Yoqimli ishtaxa!
