Pitsa va shirinlikni hush ko'ruvchi kishilar uchun bugun taqdim etiladigan malina-shokoladli pitsa juda ham ma'qul bo'ladi. Birzumda tayyorlanuvchi shirinlikni etiboringizga taqdim etamiz. Har qanday dasturxondan o'zining yorqin o'rnini egallovchi shirinlikni sinab ko'rishdan cho'chimang.
Kerakli masalliqlar:
Xamir uchun:
2 osh qoshiq yumshatilgan saryog'
2 osh qoshiq shakar
1 dona tuxum sarig'i
1/4 choy qoshiq vanilin ekstrakti
1/4 stakan un
3 osh qoshiq kakao kukuni
1/8 choy qoshiq qabartma
Asosiga:
45 gramm achchiq shokolad (qirg'ichdan chiqarilgan)
2 osh qoshiq kokos qirindisi (qovurilgan)
2 osh qoshiq maydalangan bodom yoki bodom slaysi (qovurilgan)
Ta'bga ko'ra malina mevasi
30 gramm oq shokolad (eritilgan)
Tayyorlash usuli:
1. Birinchi navbatda pechni 175 darajaga qizdirishga qo'ying. Pitsa uchun xamirni tayyorlang. Buning uchun: saryog', shakar, tuxum sarig'i va vanilinni birlashtiring. Un, kakao kukuni, qabartmani soling va xamir qoring.
2. Xamirni pergament qog'ozi yozilgan pishirish qolipiga, yumaloq shaklda yoying. Qo'lingiz yordamida devorlar hosil qiling. Qizigan pechda, 9 daqiqa davomida pishiring.
3. Belgilangan vaqt o'tib, korjni oling, achchiq shokoladni seping. Qaytadan 1 daqiqaga pechga qo'ying. Shokolad erishi uchun. So'ng, pechdan oling.
4. Korjni eritilgan shokolad bilan surting. Kokos va bodomni seping. Yuvib, quritilgan malina mevasini terib chiqing. Oq shokolad bielan bezating va darhol dasturxonga torting.
Yoqimli ishtaxa!
