Mazali go’shtli somsalarni uy sharoitida tayyorlash unchalik qiyin kechmaydi, agarda siz asos sifatida tayyor xamirdan foydalansangiz. Tayyor qatlama xamir — hozirgi zamon ayollari uchun bebaho yarim tayyor mahsulot ekanligi hech kimga sir emas. Bir nechta bunday xamir o’ramlarini muzxonada saqlash hech qachon zarar qilmaydi, aksincha kutilmagan mehmon kelib qolganda beminnat yordamchingizga aylanadi.
Kerakli masalliqlar:
1 kilo tayyor sariyog'da qorilgan xamirturushsiz qatlama xamir
400 gramm mol go'shtidan qiyma
400 gramm piyoz
1 choy qoshiq zira
ta'bga qarab tuz va murch
ustiga surtish uchun sut + tuxum sarig'i
ustiga sepish uchun kunjut va sedana
Tayyorlash usuli:
1. Xamirni xona haroratida yumshatib olamiz. Xamir yumshagunga qadar asosini tayyorlab olamiz.
⠀
2. Piyozlarni archib, mayda to'rg'ab olamiz. Qiyma ustidan solib, zirani ham ezib sepamiz.
⠀
3. Qiymaga tuz va murch sepamiz va yaxshilab aralashtirib olamiz.
⠀
4. Yumshagan xamirni 16 ta bo'lakka bo'lamiz. Har birini aylanasi 8 sm li kattalikda yoyib chiqamiz.
⠀
5. 1-2 osh qoshiqdan aralashmadan solamiz. Somsalarni pergament qog'oz to'shalgan patnisga terib, ustidan tuxum va sut aralashmasini surtib chiqamiz.
⠀
6. Ustiga kunjut yoki sedanadan sepib, 190 C darajada 30 daqiqa davomida pishirib olamiz.
7. Issiqina va mazali somsalarni darhol dasturxonga tortamiz.
