Qulupnay mavsumida yaqinlaringizni hayratga soluvchi desert! Tez tayyorlanadigan ushbu desert nozik va hushbo'yligi bilan dasturxon davrasida barcha uchun ma'qul bo'ladi. Ishtaxa ochar desertni yaqinlaringiz uchun tayyorlang va ularni lol qoldiring.
Kerakli masalliqlar:
250 gramm qulupnay
1 dona kichik hajmda limon
2 osh qoshiq olma sharbati
1 dona kichik hajmda apelsin
250 gramm yog'siz tvorog
1 choy qoshiq vanilin shakari
100 gramm yong'oqli pechenya (ta'bga ko'ra)
4 osh qoshiq quyuq damlab, sovutilgan qaxva
Tayyorlash usuli:
1. Qulupnay mevasini tozalab, yuving va quriting. Hajmiga qarab 2 yoki 4 qismga bo'ling.
2. Limonni ikki qismga bo'ling, sharbatini chiqaring. Idishga solingan qulupnayni olma va limon sharbati bilan 20 daqiqaga marinadlang.
3. Bu vaqt mobaynida apelsinni yuving, quriting. Qirg'ichning kichik tishidan apelsin po'stini chiqaring. Apelsinni 0,5 qismidan sharbatini chiqaring.
4. Tvorogni sanchqi bilan ezing. Apelsin po'sti, vanilin shakari, 1 osh qoshiq apelsin sharbatini tvorog bilan birlashtiring va aralashtiring. Tvorogli massani venchik yordamida ko'pirtirgan holda limon sharbatini quying. Natijada quyuq smetana kabi massa hosil bo'ladi.
5. Desert uchun stakanlarga birinchi navbatda pechenya bo'laklarini soling. Pechenya ustidan qaxvadan bir qismdan quying. Tvorogli massadan soling, qulupnay soling. Shu ketma-ketlikda tayyorlang.
6. Tayyor desertlar ustini hohishingizga ko'ra qirg'ichdan chiqarilgan shokolad va yalpiz shoxchasi bilan bezating. Desertni darhol dasturxonga torting.
Yoqimli ishtaxa!