Cheburek. . . Bu haqda nima ham deyish mumkin. Faqatgina tayyorlab, totib ko'rish lozim. Qarsildoq xamir va mazali asos bu juda ham ajoyib va mazali. Tayyorlanishi oddiy, natijasi esa barchani lol qoldirishi turgan gap. Ushbu retseptni albatta tayyorlang !
Kerakli masalliqlar :
Xamir uchun :
200 ml suv
50 ml o'simlik yog'i
1 choy qoshiq tuz
0.5 choy qoshiq shakar
400-450 gramm un
Asosiga :
400 gramm go'sht
200 gramm piyoz
100-150 ml suv
Tuz va murch
Ta'bga ko'ra ko'kat
Shuningdek :
O'simlik yog'i
Tayyorlash usullari :
1. Birinchi navbatda xamirni tayyorlang. Unni chuqur idishga soling. Tuz va shakarni soling.
2. Suv va o'simlik yog'ini quying.
3. Birlashgan masalliqlardan xamir qoring. Tayyor xamir ustini yopib, 30-40 daqiqa davomida xona haroratida qoldiring.
4. Bu vaqt mobaynida cheburek asosini tayyorlang. Piyoz va ko'katni mayda shaklda to'rg'ang.
5. Go'shni go'sht qiymalagichdan chiqaring.
6. Piyoz, ko'kat, tuz va murchni soling.
7. Birlashtirilgan masalliqlarga oz-ozdan suvni qo'shib, yaxshilab aralashtiring.
8. Tayyor xamirni bo'laklarga bo'ling.
9. Xamir bo'laklarini 15 sm hajmda, 1 mm qalinlikda yoying.
10. Xamirning yarim qismiga 2 osh qoshiq asosdan soling.
11. Xamirning ikkinchi qismini yoping va sanchqi yordamida xamir chetlarini yopishtirib chiqing.
12. Tovaga 2-3 sm balandlikda o'simlik yog'i quying. Qizdiring.
13. Chebureklarni soling. Har bir cheburek tomonlarini 3-5 daqiqa davomida pishiring.
14. Tayyor va mazali chebureklarni yaqinlaringizga taqdim eting.
Yoqimli ishtaxa !
