Shirinliklarni yaxshi ko'ruvchilar bunday kekslarga munosib baxo berishlari aniq. Uning tayyorlanishi uchun kerak bo'ladigan masalliqlar oddiy, mazasi esa oliydir. Ular tez tayyorlanib, dasturxondan tez g'oyib bo'ladi. Bunday kekslar shirinliklarni xush ko'ruvchi bolajonlarga ham juda manzur bo'ladi.
Kerakli masalliqlar:
300 gramm un
150 gramm shakar
50 gramm jigarrang shakar
1,5 choy qoshiq razrexlitel
3/4 choy qoshiq ichimlik sodasi
2 choy qoshiq dolchin kukuni ( koritsa )
3/4 choy qoshiq zanjabil kukuni ( imbir )
3/4 choy qoshiq tuz
2 osh qoshiq kraxmal
2 dona tuxum
180 ml suv
1/3 o'simlik yog'i
1 stakan qirg'ichdan o'tkazilgan sabzi ( 2 dona o'rtacha )
Asosiga:
230 gramm qaymoq
150 gramm shakar kukuni
1 choy qoshiq vanilin
Tayyorlash usuli:
1. Chuqur tog'orachaga barcha quruq masalliqlarni jamlang : un, oq va jigarrang shakar, razrexlitel, ichimlik sodasi, dolchin (koritsa), zanjabil (imbir) va ozgina tuz.
2. Aloxida idishda avval tuxumni ko'pirtiring, kraxmal va 180 ml iliq suv quying.
3. Tayyor tuxumli aralashmani quruq masalliqlar ustidan quying.
4. Barchasini bir xil massa xosil bo'lguncha aralashtiring. Tayyor bo'lgan massa huddi kasha singari bo'lishi lozim.
5. Qirg'ichdan o'tkazilgan sabzini qo'shib, aralashtiring.
6. Nachinkani tayyorlang. Katta bo'lmagan kosaga qaymoqni quying va ozgina mikrovolnovkada ilitib, shakar kukuni va vanilinni qo'shib, aralashtiring.
7. Maxsus keks qolipiga qog'oz stakanchiklarini joylashtiring. Qog'oz stakanchalariga ozgina o'simlik yog'idan surting.
8. Har bir stakanchikka 2 osh qoshiqdan tayyorlangan xamirdan solib chiqing.
9. So'ng, xamir ustidan 1,5 choy qoshiqdan qaymoqli massadan soling.
10. Va oxirgi marta nachinka ustidan qolgan xamirni solib chiqing.
11. Tayyor keks qolipini 200 darajada qizdirilgan gaz pechida 20 daqiqa davomida pishiring.
12. Tayyor bo'lgach, gaz pechidan olib, sovuting.
13. Kekslarni yaqinaringizga ulashishdan avval ustini shakar kukuni bilan qoplang. Shuning bilan kekslar tayyor!
Yoqimli ishtaxa!
