- Әлмәттә тормышка ашырасы килгән хыялыгыз?
- Сорау зур булган берничә юнәлеш бар. Балалар медицинасы белән эшне төгәллисе килә.
- 50 метр араны күпме вакытта узасыз?
- 29 секундта. Чагыштыру өчен, дөнья рекорды 22 секунд.
- Ничә тел беләсез?
- Чит телләрдән инглиз телен яхшы беләм. Рус интернетында булмаган тикшеренү эшләрен алардан укыйм. Алга киткән илләрнең тәҗрибәсен шул рәвешле өйрәнәм.
- Башлык яңа ел төнендә нинди теләк тели?
- Гаилә, якыннар белән бәйле теләкләр, иминлек, сәламәтлек. Башлык та шундый ук гади кеше.
- Бүләк сайларга яратасызмы?
- Бүләк сайлауга җитди карыйм. Кирәксез, шкафта тора торган бүләк бирергә яратмыйм.